綠惜解碼

三位大學生做social design功課，透過成立 #執煙頭競技委員會，將公眾長期視而不見嘅煙頭🚬問題 — 公共衛生、清潔工嘅無助、煙民與政府之間嘅缺乏溝通，一一展現眼前。正如成員阿Sam所講：「煙頭 (垃圾)喺條街係唔合理，點解我哋會慣嘅，唔好慣呀!」

第26集 #綠惜解碼 ：執煙頭競技委員會呼籲：「唔好慣」

主持 ： 綠惜地球環境事務總監　朱漢強

嘉賓 ： 執煙頭競技委員會成員　家聰 / Sam

Podcast內容重點：

📌做功課都可以帶來social change

📌清潔工處境：不清、不潔、不公

📌一個鐘頭執6,000煙頭係乜玩法？

📌煙頭搞到寸草不生？

📌執煙頭執到上煙草公司做分享

📌執煙頭都可以做 #品牌調查

📌國產煙煙頭有幾誇張？

📌清潔工自製掃把嘅智慧

📌煙灰缸嘅創新實驗

📌煙民有話說

從前有家連鎖快餐店

為咗減塑而擁抱可降解塑膠

結果栽了個大筋斗.......

呢個嘅例子，畀企業帶嚟乜嘢啟示？

主持：綠惜地球環境事務總監　朱漢強

幾年前，綠惜地球係西貢舉辦慈善夜行，那一夜星羅棋布，更加係朱漢強人生第二次見到人造衛星，好難忘。最近，有立法會議員指沙頭角係香港及深圳觀星一族嘅「 夜店」，認為係好有潛力發展嘅產業。

講開香港嘅光污染，除咗耗用能源及光滋擾，星空保育都係重要面向，只不過一直被忽視。

呢集嘅綠惜解碼，除咗回顧星空保育嘅片段，仲會介紹民間努力下，將合歡山變成台灣第一座、亞洲第三座暗空公園嘅勵志故事，希望對香港有啟示。

主持：

綠惜地球環境事務總監 朱漢強

踏入2023年，環保署更新戶外燈光約章，將部分級別嘅熄燈時間提早到夜晚十點，希望減少對居民嘅滋擾。

考吓大家，聖誕燈飾算唔算係光污染？作為普羅市民，可以做啲咩幫到受光影響嘅居民？

唔清楚唔緊要，新一集綠惜解碼會帶大家傾下呢啲問題。 

主持：

綠惜地球 研究員 陳霆軒 (Thomas)

綠惜地球 高級項目主任 劉兆朗 (Edmond) 臨別秋波作品

【市區三色桶說拜拜】

環保署2019年設計咗新款回收桶，仲做過公眾諮詢，最終胎死腹中無法面世，依家連現有嘅舊桶都全面唔用，點解會咁？而三色桶服務市民24年，應該點評價佢嘅得失？

主持：綠惜地球環境事務總監　朱漢強

Mil Mill 造紙廠事件後，反映政府缺乏回收產業發展藍圖，以致無論係土地供應 (例如增設回收再造園)、抑或減廢回收政策上，都追唔上廢物增長嘅速度。唔想堆填區爆滿，又唔要起多個焚化爐，我哋需要更完善嘅回收系統同源頭減廢政策， 自己垃圾自己處理，減少廢物棄置。

上月綠惜地球代表眾環團喺回收高峰論壇發言，強調推高中下價回收物嘅回收率，例如紙包飲品盒、發泡膠，需要透過生產者責任制度提高市民回收意欲同回收物嘅價值，加上土地政策長期配合先可以成功。政府唔可以單靠自由市場，反而要訂立政策主動出擊。

綠惜地球同你重溫「Mil Mill事件關你喵事？環保與循環再造業高峰會」論壇

主持：綠惜地球環境事務總監 朱漢強
         綠惜地球高級項目主任 劉兆朗

膠袋徵費塵埃落定會喺12月31日上調至一蚊，立法會最大嘅爭論係，到底選擇政府提出嘅一蚊方案，定係要再進取啲，上調到去到兩蚊呢？最終，一蚊方案跑出。

立法會點解會咁決定？等我哋用9分鐘同大家濃縮代議士嘅投票考量，並且從中做分析解讀，畀各位掌握呢個與民生息息相關嘅政策。

主持：綠惜地球環境事務總監 朱漢強

          綠惜地球高級項目主任 張雅婷

有「氣候之王」之稱嘅英國國王查理斯早喺王儲嘅時候，已經積極為環保大小事發聲。動物保育、環境污染、氣候變化，都會見到佢嘅身影，「激進」程度甚至差啲影響英國王室政治中立嘅立場。

作為前衞環保先鋒，查理斯50幾年前已經棄用化石燃料行車，而係用一種你估唔到嘅「廢物」！

想知查理斯點樣身體力行落實環保二三事？即刻收聽最新一集Podcast！

主持：綠惜地球環境事務總監 朱漢強

見微知著，Mil Mill（喵坊）事件令我哋睇到回收產業、特別係中下價回收業的發展困境。政府係咪有心支持，其中一個重要指標係提供穩定及長遠嘅土地供應。不過，政府係呢方面係嘆慢板嘅。

 1998年起，政府開始提供短租土地作支援，而唔係長遠嘅土地安排。到咗2007年，先開始發展屯門嘅環保園。但係呢個安排點應付到產業需求？卸任無幾耐嘅前環境局局黃錦星舊年公布嘅 《香港資源循環藍圖2035》，答應咗兩件事。第一係預留土地擴建環保園，第二係另外積極尋找其他長遠土地支持回收業發展。

 不過呢兩項遠水，救唔到已經着晒火嘅Mil Mill，亦都會影響其他回收再造業嘅長遠投資信心。

 唔解決呢個問題，Mil Mill唔會係最後一個受害者。Mil Mill又有冇Plan B？聽到最後有答案。

 主持：綠惜地球環境事務總監　朱漢強

堆填區臭味傳千里，立法會議員陳月明最近就話，新界東北堆填區已經傷害深圳人民對香港嘅感情，佢仲收到過千份深圳居民對堆填區嘅意見，北區亦都有五千幾宗投訴......

陳議員又約見環境及生態局局長謝展寰 ，要求必須喺2030年前起好兩座焚化爐，第一座焚化爐落成後，東北堆填區就要停止接收都市垃圾。

陳議員講到咁多投訴數字，我哋梗要高度關注，不過環保署回覆我哋的數字，竟然....... 至於陳議員要求起完一座又一座焚化爐，對解決廢物問題係咪「多『爐』就多得」？ 即刻收聽最新一集Podcast 同大家一一拆解。

主持：綠惜地球環境倡議總監 朱漢強
　　　綠惜地球高級項目主任 張雅婷

聯合國環境大會主席形容，塑膠污染嚴峻程度，如同「疫症」。大會就喺三月初踏出重要一步，議決喺未來兩年，商討制訂第一條管制塑膠遺害嘅國際條約。

係咪好期待條約係咪可以「清零」呢？究竟呢次議決有幾重要？過程各方又有幾多角力？綠惜地球會同大家做個說明。

主持：綠惜地球環境倡議總監 朱漢強

人稱「大便妹」的Yeungs，是淨灘達人。在「大便妹，學環保。」臉書專頁上真人不露相的她，有能耐把撿來的垃圾砌出「海廢美學」，會書寫出反省性強的生活筆觸，提醒大家關愛海洋、關護地球，以致專頁followers超過18,000人...... 

聽Yeungs談其淨灘之路，由最初同行者買少見少，歷經「十個救火的少年」的心路，到現在試煉出堅實的戰友團隊，堪稱「集合吧 地球保衛隊」再現。

主持：綠惜地球環境倡議總監 朱漢強
嘉賓：環保教育工作者 Yeungs

李煜紹博士可以話係香港嘅水辭典，研究水資源管理多年。呢集節目，佢會話畀大家知沖涼同溫室氣體排放原來好有關；又會破解水塘滿瀉，等同倒東江水落海嘅迷思；又如果真係要倒水，倒落河又得唔得？除咗一國兩制，仲有一河兩制？

主持：綠惜地球環境倡議總監 朱漢強
嘉賓：香港大學水資源技術與政策研究中心 行政總監李煜紹博士

「個世界係咁㗎啦，唔會因為你而改變喎。」日復日年復年面對環境不公義，有人會感到麻目、無力、灰心，甚至勸你放棄。堅持，說來容易，面對高牆，實力懸殊，唯有眾志成城，咬緊牙關到最後一刻。贏唔贏到無人知，但最重要，係大家一齊唔好放棄。

政府三個月前「突襲」，推出膠樽生產者責任制諮詢，放棄原則，只提回贈一毫；另一邊廂，生產商更執意將金額推到低五仙，予人感到不憤和不恥。全賴環團戰友、以及每一位關心環保嘅香港人嘅支持，一齊堅守、發聲，市民嘅聲音才不致被淹沒。

主持：綠惜地球高級項目主任 劉兆朗、綠惜地球環境倡議總監 朱漢強

大熱天時三十幾度，嘆冷氣或者游水消暑最好不過，偏偏南丫島民Stanely及陳Wing，就喺島上發掘到南丫島秘景「發泡膠河」，垃圾多到浸上條腰，仲惡臭難耐，甚至撐直立板到偏遠海岸淨灘，做品牌調查，到底點解要咁做？

「自己家園自己守護」，佢哋除咗對土地嘅歸屬感，仲因為感染身邊好友關心環保，推動佢哋堅持落去！想知佢哋淨灘有咩奇遇？執到咩有趣嘅「寶物」？仲將淨灘配搭運動一齊做？

主持：綠惜地球環境倡議總監 朱漢強／嘉賓：活在南丫主席Stanely、南丫島民陳Wing

環境局日前喺環境事務委員會指出，與中國禁止入口洋垃圾前比較，香港轉口廢塑膠的數量減少，加上規管廢塑膠貿易嘅國際公約實施後，預料是「微不足道」。 數字少了，但對東南亞等市民而言，仍足以帶來沉重傷害……

到底乜嘢係洋垃圾？點解香港會有份？仲要俾國際刑警點名？

主持：綠惜地球環境倡議總監  朱漢強／綠惜地球倡議及與傳訊經理  楊日輝

香港最新「減廢成績表」出爐，前年廢紙棄置量升，回收率跌，近年減用膠餐具，仲令紙餐具用量上升，將來「廢紙圍城」是否會重臨？中國政府雖然暫准廣東四間紙廠購買香港廢紙，但相關措施只屬過渡性質，長遠而言，香港需要有自主嘅回收系統，並且減少垃圾。

到底香港廢紙問題，在於回收配套不力、冇相應減廢政策配合，抑或其他沒有在數據反映的深層原因？

主持：綠惜地球環境倡議總監  朱漢強／綠惜地球高級項目主任 劉兆朗

明日大嶼 5.5億元嘅前期研究撥款，早前喺立法會財委會通過，好似被潑一盤冷水。但前天文台台長超英哥提醒我哋，呢個撥款唔係世界嘅全部，唔好覺得灰心。不論結果為何，仍然要堅持追求真相──揭露氣候危機風險，以及城市規劃不公，將似是而非嘅論述逐一拆解。

今集Podcast有超英哥拆解人工島危險之處，仲真情流露，寄語大家跟住嘅路應該點行？

主持：綠惜地球倡議及傳訊經理  楊日輝    綠惜地球高級項目主任  劉兆朗／嘉賓：前天文台台長  林超英

想像2040年之後，路面會逐漸無晒內燃引擎車輛，大家睇好電動車🚕會係減碳嘅明日之星。不過，申訴專員公署去年列出電動車政策嘅「七宗罪」，例如配套不足。電動車係咪實至名歸，而唔係虎頭蛇尾，至少有以下三大重點⚠

✅叉電動車嘅電，到底係咪再生能源或低碳燃料？
✅充電等配套係咪充足，跨政府部門有無相應協調？
✅ 電池老化後，係咪有恰當嘅處理設施？

今集Podcast請嚟識車之人，綠惜地球總幹事Edwin，既同大家分析國際大局，以及政策點樣改革產業造成嘅污染。

主持：綠惜地球環境倡議總監    朱漢強／嘉賓：綠惜地球總幹事    劉祉鋒

根據研究，2040年全球將有2900萬噸塑膠被丟棄落海，到2050年，海洋塑膠仲會多過魚！塑膠一旦流入海洋，生物因為誤食而死亡嘅新聞屢見不鮮，仲有可能分裂成微塑膠，進入人類食物鏈。

要保證我哋同下一代唔好「自食其膠」，減塑運動係唯一出路！今集Podcast我哋會剖析全球減塑膠運動，點樣揭露製造短命膠品牌嘅責任。想知道我同你可以為全球大趨勢做乜？即刻收聽！

主持：綠惜地球高級項目主任  劉兆朗

郊遊令人心曠神怡，但你有冇諗過，每條山徑背後，都經過無數汗水與苦勞而成？台灣千里步道嘅重要推手徐銘謙教授，去過歐美多國深造，返台推動手作步道，14年來修過140條步道，逾萬人參與，仲建立系統課程「步道學」，培訓步道師。原來佢當初咁投入，竟然係源於行石屎路行到膝頭痛？

多次來港嘅徐教授，讚嘆香港郊野公園制度係「亞洲第一」，既保護大部分山嶺，各區亦設有管理站，有專業技工及時處理已損耗嘅步道，更有利民間團體一齊推動。

主持：綠惜地球環境倡議總監    朱漢強／嘉實：台灣千里步道協會    徐銘謙

天氣涼咗，相信唔少人喺剛過去嘅周末都有去行山。

開咗好多花喎！……睇真啲，係紙巾嚟？ 樹上啲果實熟曬，跌曬落地下？……唔係喎，係飲品樽嚟，仲裝住煙頭同飲剩嘅野！仲有口罩、包裝紙、果皮……喂啊！邊個將郊野搞到成個堆填區咁樣？

禮拜一，繼續有充滿朝氣正能量嘅岑樂怡阿妹同我哋一齊和你Green，阿妹仲會分享點解自己會成爲環保YouTuber，活出綠色生活！

主持：綠惜地球環境倡議總監    朱漢強／嘉實：岑樂怡

有冇諗過，去街市買新鮮水餃，竟然可以用金莎朱古力盒裝？買魚竟然可以用米袋？生活中你有無留意到其他減廢貼士？

阿妹岑樂怡一家有獨特嘅「家規」，就係要保障下一代長大後都享用到資源，所以岑妹妹從小已經帶毛巾、自備水樽翻學。成為演員後，拍劇及外景節目，都會帶飯、自備餐具，甚至幫同事洗外賣餐盒去回收。到底點樣先可以由細到大培養走塑回收習慣？今集有阿妹同大家一齊和你Green！

主持：綠惜地球環境倡議總監    朱漢強／嘉實：岑樂怡

每年9月19日係「國際淨灘日」，香港近年淨灘風氣好盛，的確令到污糟糟嘅灘岸乾淨過，不過全球亦都反思，年復年嘅淨灘行動，係咪治本辦法？而唔少國際知名企業，又點解咁鼓勵大家「彎低腰」執垃圾？背後係咪有不為人知嘅秘密？

主持：綠惜地球環境倡議總監    朱漢強

香港槍會旁邊嘅郊野滿佈懷疑重金屬鉛粒及飛靶碎片，有關廢物散落大欖郊野公園，甚至幾百公尺外嘅引水道或一旁，而引水道終點，為供大家飲用食水嘅城門水塘。

不過，香港槍會今年7月因水務署保存証物錯漏而被判「技術性脫罪」。我哋多次重返現場，發現問題非但未解決，引水道污染情況更較之前嚴重！ 

到底當初綠惜地球係點發現到呢啲射擊垃圾，又點樣追查揭發事件？除咗水務署，仲牽涉邊個政府部門？邊個長年不作為？今集由綠惜地球同本土研究社同大家討論現場考察經驗，以及責任誰屬！

主持：綠惜地球環境倡議總監  朱漢強／嘉賓：本土研究社成員  陳劍青